“Amddiffynwn chwyldro Rojava: dros ein dosbarth, dros y ddaear, a dros fenywod”

Amddiffynwn chwyldro Rojava: dros ein dosbarth, dros y ddaear, a dros fenywod

Dyma ddarn arbennig o bwysig ar wefan mudiad Undod, yn trafod y brwydrau yn erbyn patriarchiaeth, ffasgiaeth a chyfalafiaeth yn Rojava, gan yr anarchydd Heledd Williams.

“Gan y mudiad cenedlaethol Gymreig llawer iawn i’w ddysgu o Chwyldro Rojava. Ni wnaiff copi carbon o wladwriaeth gyflalafol y tro i ni. Gyda cynhesu byd eang, ffasgiaeth cynyddu mewn grym ar draws y byd ac adref – rhaid i ni fod yn uchelgeisiol am y gymdeithas gyfiawn a rhydd yr ydym ni yn ei freddwydio amdano. Os all pobl greu y math yma o system yng nghrombil rhyfel – gallwn ni wneud hyn yng Nghymru, heddiw.”

The article is available in English here.

Murlun “Cofiwch Dryweryn” a solidariaeth yng Nghanolfan Gymunedol Cwrdaidd Casnewydd, adeg streic newyn Imam Sis

Cafwyd llwyth o erthyglau gwych ar wefan Undod yn ddiweddar, ar gwrth-hiliaeth, militariaeth, y sioe frenhinol, a mwy. Cerwch draw i gael gip!

 

 

 

Solidariaeth ag Imam Sis, ymprydiwr Cwrdaidd

Ers rhai wythnosau bu ymgyrchydd Cwrdaidd yn Ne Cymru, Imam Sis, yn ymprydio mewn protest yn erbyn carchariad ymynysol Abdullah Öcalan. Mae Öcalan yn arweinydd a theoryddwr Cwrdaidd. Mae ei garchariad, fel carchariad cymaint o’i gymrodyr, yn adlewyrchiad o orthrwm a brwydr chwyldroadwyr Cwrdaidd. Cafwyd protest bywiog dros ryddhad Öcalan tu allan i adeilad darlledu y BBC yng Nghaerdydd ar y 24ain o Ionawr.

Baner o brotest tu allan i adeilad darlledu y BBC, Caerdydd ar y 24ain o Ionawr

Atgynhyrchwn datganiad gan gangen Cymru o’r IWW o solidariaeth ag Imam Sis a’i brwydr isod.

“Mae cangen Cymru/Wales Undeb Gweithwyr y Byd yn datgan ein bod yn cyd-sefyll gydag Imam Sis a’r holl gymrodyr sydd yn ymprydio ar y cyd gydag AS Cwrdaidd yr HPD, Leyla Güven, er mwyn dod â charchariad ymynysol Abdullah Öcalan i ben.

Mae carchariad unigol yn cael ei ystyried yn ddull o arteithio, ac yn un y bu raid i Öcalan ei oddef ers cael ei arestio yn 1999. Ni chaniatawyd ymweliadau iddo gan ei gyfreithwyr ers 2011. Yn ôl pob tebyg pwysau gan ymprydwyr oedd wrth wraidd caniatáu i Abdullah Öcalan weld ei frawd, Mehmet, ddydd Sul y 13eg o Ionawr – dyna’r tro cyntaf iddo gael cysylltu ag aelod o’i deulu ers tair blynedd. Er hynny, yn dilyn ymweliad deng munud o hyd, mae Öcalan yn dal i gael ei garcharu ar wahân, ac mae disgwyl i’r ymprydwyr ddal ati.

Mae Senedd Gwrdaidd Cymru yn mynnu bod:

1 – Caniatáu i’r Pwyllgor Atal Artaith (CPT) ymweld â Charchar Imrali er mwyn cadw golwg ar amodau carchariad Abdullah Öcalan.
2 – Llys Hawliau Dynol Ewrop (ECHR) yn gweithredu yn erbyn ymyriadau Llywodraeth Twrci ar hawliau dynol Öcalan.
3 – Llywodraeth Cymru yn galw ar y CPT a’r ECHR i weithredu.
4 – Llywodraeth Cymru yn gwrthsefyll unrhyw weithredu milwrol gan y Wladwriaeth Dwrcaidd, neu sydd wedi’i gynllunio ganddo, ar gyfer Ffederasiwn Ddemocrataidd Gogledd Syria, sydd ymysg y rhanbarthau mwyaf democrataidd nid yn unig yn y Dwyrain Canol ond yn rhyngwladol.

Mae Abdullah Öcalan yn damcaniaethwr gwleidyddol chwyldroadol a fu’n brwydro ac ymgyrchu dros ryddid i Gwrdistan am dros ddeugain mlynedd. Ers ei garcharu ym 1999 mae wedi datblygu strategaeth i ryddhau Cwrdistan sydd y tu hwnt i batrwm traddodiadol cenedl-Wladwriaeth, drwy Gynghreiriaeth Ddemoctrataidd. Mae hon yn ddamcaniaeth dan ddemocratiaeth-uniongyrchol, sy’n ymwneud â sefydlu strwythurau a sefydliadau gwleidyddol newydd er mwyn i rym ddod o lawr gwlad; gan gynghorau lleol a chynghreiriau i gyrff ffederal ehangach. Mae’r strwythurau hyn yn galluogi gweithredu ysgwydd yn ysgwydd dros werthoedd cyffredin fel rhyddid merched, iechyd amgylcheddol a chynaliadwyedd, yn ogystal â chynnig cefnogaeth wleidyddol a strwythurol i leiafrifoedd ethnig a chrefyddol.

Yn dilyn brwydr dros Kobane yn 2014, pan frwydrodd y People’s Protection Units (YPG/YPJ) gyda Daesh/ISIS, mae dinasoedd, trefi a phentrefi yng ngogledd Syria wedi mabwysiadu Cynghreiriaeth Ddemocrataidd, a chreu’r corff gwleidyddol, Democratic Federation of Northern Syria, a’i amcan yw ceisio ymreolaeth raddol i’r Wladwriaeth Syriaidd, a galluogi tlodion a’r dosbarth gweithiol drwy strwythurau a sefydliadau gwleidyddol.

Mae dod â charchariad ymynysol Abdullah Öcalan i ben yn hanfodol i ddatrys y ‘Cwestiwn Cwrdaidd, i heddwch yn y Dwyrain Canol ac i weddill y byd. I fynd I’r afael â’r heriau sy’n ein wynebu ni i gyd yn ystod y ganrif hon, mae diogelwch a syniadau Abdullah Öcalan o bwys mawr.”

https://iww.org.uk/news/cydsafiad-iww-cymru-ag-imam-sis-ar-ymprydwyr/

Trech gwlad na llygredd

Llun o Nant Llesg a geiriau gan un o ymgyrchwyr yr United Valleys Action Group

https://www.coalaction.org.uk/2018/10/victory-against-welsh-opencast

Llongyfyrchiadau hwyr i’r United Valleys Action Group a phawb arall am drechu’r cynlluniau dros Glo-Brig yn Nant Llesg. Ymunodd Reclaim the Power, Bristol Rising Tide, Cyfeillion y Ddaear, Atal Anhrefn Hinsawdd Cymru, Coal Action Network ac eraill yn y brwydr dros Nant Llesg. Mae UVAG wedi llwyddo eisoes i atal losgydd brwnt Covanta yn 2011.

Dengys brwydr Nant Llesg mai trwy weithredoedd pobl gyffredin ar lawr gwlad cawn drechu’r ymosodiad parhaol ar ein hamgylchedd. Er bod Llywodraeth Cymru wedi cyhoeddi ni fydd cloddio newydd, mae safleoedd glo-brig eraill yn dal i lygru’n gwlad a’r brwydr yn erbyn peryglon niwclear Wylfa-B a Geiger Bay yn barhau.

Nid mater i’r ymylon yw’r brwydr dros yr amgylchedd. Yn barod mae miliynau o ffoaduriaid hinsawdd, alltudion o ganlyniad newid hinsawdd cyfalafiaeth ddiwydiannol. Ers i Ferthyr Tudful dioddef “chwalfa ecolegol” (chwedl Gwyn Alf) yn hanner gyntaf y 19fed ganrif mae’r dinistr yn rhan o’n profiad fel cenedl. Nid oes taw ar yr argyfwng hyd yn hyn. Dim ond gweithredu uniongyrchol gall ein hamddiffyn rhag lladdfa’r system – dewch i ni mynd ati!

Ffair Lyfrau Radical, Abertawe, 20/01/2018

https://ffairlyfrauradical.wordpress.com/

Ar Ddydd Sadwrn yr 20fed o Ionawr bydd Ffair Lyfrau Radical yn Abertawe! Dyma “wagle dan-dô dros-dro i radicaliaid, mudiadau cymdeithasol, grwpiau ymgyrch, dosbarthwyr tanddaearol, cyhoeddwyr amgen ac unrhyw un sydd gyda diddordeb cael dod ynghyd.” Bydd mynediad yn rhad ac am ddim, a’r Gymraeg yn brif-iaith y digwyddiad. Ac yn well fyth, mi fydd deunydd anarchwaethus yno!

“Mynnwn fod y Gymraeg – ei pharhad a’r frwydr drosti – yn radical.”

Cynhelir y ffair yng nghanolfan Gymraeg Tŷ Tawe yng nghanol Abertawe. Bydd y ffair yn dechrau am 11am a gig amgen gyda’r nos am 7pm. Arbennig.

Mae’n werth nodi hefyd y fydd Ffair Lyfrau Radical Derry yn digwydd ar ddiwedd y mis.

Yn dilyn problemau gwarthus Ffair Lyfrau Anarchaidd Llundain gyda thrawsffobia a materion eraill, braf yw gweld ffeiriau eraill ‘ryd lle. Mae angen gwagleoedd radical a gwrth-wladychol arnom ni nawr cymaint ag erioed. I’r ffycin gad!

“Arfogwch eich hunain gyda syniadau.”

“Y dde eithafol a chenedlaetholdeb Cymreig”

https://anffyddiaeth.blogspot.nl/2017/11/y-dde-eithafol-chenedlaetholdeb-cymreig.html

Blogiad hollbwysig am ddefnydd rhai cenedlaetholwyr Cymreig o ddelwedd dde-eithafol, Pepe y broga / llyffant.

Pepe y broga, sydd pellach yn symbol ffasgaidd

Mae’r blogiwr Anffyddiaeth yn “rhybuddio am lond dwrn o gyfrifon Twitter a thudalennau Facebook sy’n lledaenu delweddau yn enw cenedlaetholdeb Cymreig ond sy’n deillio o fudiad yr alt-right eithafol. Efallai mai naïfrwydd sydd i gyfrif mewn ambell achos yn hytrach nag eithafiaeth gwirioneddol, ond mae’n hanfodol bod cenedlaetholwyr Cymreig yn cadw’n glir o’r math yma o beth o gofio hanes hir eu gwrthwynebwyr o geisio’u pardduo â chyhuddiadau o ffasgaeth.

Nid yw’r cyfrifon hyn yn niferus o bell ffordd, ond maent yn bodoli ac mae rhai cenedlaetholwyr synhwyrol yn eu dilyn (efallai trwy ddamwain). Rhybudd yw’r erthygl i bobl fod yn wyliadwrus, rhag ofn iddi droi’n broblem sylweddol. Os nad ydych yn gyfarwydd â Pepe’r broga, gwyn eich byd. Ond os ydych yn gweld broga cartwn sinistr yr olwg mewn llun proffeil, cadw draw sydd gallaf.” Ie wir.

Mae ganddo hefyd erthygl Saesneg ar y fater ar nation.cymru.

Yn wreiddiol roedd Pepe yn gymeriad comic ddi-niwed a ddaeth yn femyn poblogaidd, ond o dua 2016 ymlaen fe fachwyd gan ffasgiaid yn yr UDA a goruchafwyr gwyn eraill arlein. Digalonnwyd ei greadwr Matt Furie gan hyn. Ceisiodd achub Pepe, ond sylweddolodd fod ei symbol wedi’i llawn pardduo, ac felly fe laddwyd. Erbyn hyn, mae Pepe yn symbol farw i bawb ond ffasgiaid. Dyle hanes Pepe, symbol a llwyr-fachwyd gan ffasgiaeth, rhoi rhybudd pwysig i ni wrth i ffasgiaid Prydeinig ceisio bachu ein symbolau Cymreig a Chymraeg.

Rhaid chwalu delweddau ffasgaidd, pa bynnag ffurf cymerant. Rhaid hefyd atal unrhyw elfen o ffasgiaeth, symbolaidd neu real, rhag sleifio mewn i fudiadau rhyddid Cymru.

Delwedd gwrth-ffasgaidd gan y grŵp LGSMigrants

 

Os oes gennych unrhyw wybodaeth am weithgaredd ffasgaidd yng Nghymru, cysylltwch ag anarchwaethus.

“Taith Na i Garchardai Gwenwynig”

https://noprisonsdecymru.noblogs.org/post/2017/09/15/end-toxic-prisons-tour-taith-na-i-garchardai-gwenwynig/

“Dros yr Hydref bydd Campaign to Fight Toxic Prisons o’r UDA yn teithio’r DU gyda Community Action on Prison Expansion.

Ledled y byd mae carchardai yn niwediol yn gymdeithasol ac ecolegol. Bu pobl gyffredin o’r UDA yn trefnu gwrthwynebu carcharu torfol a difrod amgylcheddol fel ei gilydd, gan lwyddo i ohirio adeiladu’r unig garchar ffederal am dros ddwy flynedd!

Trwy drefnu ar lawr gwlad, dadlau a gweithredu’n uniongyrchol maen nhw wedi herio’r system garchardai, system sy’n rhoi carcharorion mewn amodau amgylcheddol peryglus, ac sydd hefyd yn ergyd i gymunedau ac ecosystemau cyfagos, wrth eu hadeiladu a’u gweithredu.

Dewch i ddysgu am eu strategaeth a’u tactegau, yn ogystal ag am y brwydrau ehangach i ddymchwel y carchardai, gwrth-hiliaeth, y frwydr ddosbarth a chyfiawnder amgylcheddol.

Yn dilyn hyn rhennir gwybodaeth am wrthwynebiad i’r chwech arch-garchar newydd yng Nghymru a Lloegr, gan gynnwys yr arch-garchar newydd sydd yn cael ei gynllunio ar gyfer Port Talbot. Cynllunnir y carchardai yma yn y DU ar gyfer safleoedd gwenwynig, rhai’n cynnwys llygredd ymbelydrol a llygredd asbestos, a bydd cynefinoedd anifeiliaid yn cael eu dinistrio ar bob safle yn ogystal.

Dewch i glywed sut i gymryd rhan!

Digwyddiadau:

Caerdydd – 29ain o Fedi 2017

7pm-9pm
Connect Language School
Llawr gyntaf, 26-28 Churchill Way, Caerdydd CF10 2DY
Digwyddiad Facebook: https://www.facebook.com/events/129793397664005/

Port Talbot – 30ain o Fedi 2017

10.30pm-12.30pm
Aberavon Beach Hotel, SA12 6QP
Digwyddiad Facebook: https://www.facebook.com/events/116023012410416/

Abertawe – 30ain o Fedi 2017

7pm-9pm
Canolfan yr Amgylchedd Abertawe, SA1 1RY
Digwyddiad Facebook: https://www.facebook.com/events/115834292452554/“

“Pride Caerdydd: Cwiariaid yn meddu’r strydoedd”

https://angryqueerantifascists.wordpress.com/2017/09/13/cardiffpride/

Anerchiad dwy-ieithog ar y wefan newydd Gwrthffasgiaid Cwiâr a Grac, yn disgrifio cwiariaid a gweithwyr eraill LHDT+ yn ymuno a Bloc Radical yr IWW yn Pride Caerdydd!

“Yr orthrymedig sy’n meddu Pride, nid y bosys, yr heddlu a’r rhai sy’n ceisio ein malu’n fan ddarnau. Ma’r cwiariaid ‘ma’n dal eu tir.”

treiglo???

[Dyma oedd cam yn helfa drysor Stampus!]

Reit, yn gyflym rwan, cyn i’r heddlu cudd sylwi eich bod chi yma yn cynllunio i danseilio’r llywodraeth. Cofio Branwen, a’r deryn bach na anfonodd hi i’w brawd efo SOS? Be oedd enw hwnnw dudwch?

“Why we shut down the UK’s largest coal mine – a call to action”

https://reclaimthepower.org.uk/news/canaries-shut-mine/

Anerchiad gan brotestwyr a gauodd gloddfa brig Ffos-y-Fran ym mis Ebrill. Cawsant eu deddfrydu i dalu dirwy o £10,000 – gallwch eu cefnogi yn ariannol fan hyn. Cafwyd gweithredoedd tebyg yn ac mae mwy ar y gweill yng ngweddill yr ynys.

“Mond trwy weithredu uniongyrchol parhaol, a thrwy gwrthwynebu pob math o ddifrod, awdurdod a gormes cawn ddechrau greu y byd dymunwn weld.” Protestwyr Ffos-y-Fran.

 

 

“Aberfan: politicising tragedy”

https://methiannau.wordpress.com/2016/10/19/aberfan-politicising-tragedy/

Cofnod blog yn siarad am Drychineb Aberfan, gan un o’r pentre. Mae’n adrodd parhad trawma y trychineb, iechyd meddyliol y pentre a’r Cymoedd, a’r cymhlethdod sydd ynghlwm â lleisio gormes wleidyddol y trasiedi.